ରୁଷ ସେନାରେ ଏବେ ବି ଫସିଛନ୍ତି ପ୍ରାୟ ୨ ଡଜନ୍ ଭାରତୀୟ, ଉଦ୍ଧାର ପାଇଁ ସରକାରଙ୍କ ତତ୍ପରତା
କନକ ବ୍ୟୁରୋ: ରୁଷ ସେନାରେ ଏବେ ବି ପ୍ରାୟ ୨୪ ଜଣ ଭାରତୀୟ ନାଗରିକ କାର୍ଯ୍ୟରତ ଅଛନ୍ତି ଏବଂ ସେମାନଙ୍କୁ ଶୀଘ୍ର ମୁକ୍ତ କରିବା ପାଇଁ କ୍ରମାଗତ ଉଦ୍ୟମ ଜାରି ରହିଛି ବୋଲି ଭାରତ ସରକାର ଶୁକ୍ରବାର ଦିନ ସୂଚନା ଦେଇଛନ୍ତି । ରୁଷ ସୈନ୍ୟବାହିନୀରେ ରୋଷେୟା ଓ ସହାୟକ ଭାବେ କାର୍ଯ୍ୟ କରୁଥିବା ସମସ୍ତ ଭାରତୀୟଙ୍କୁ ସୁରକ୍ଷିତ ଭାବେ ଫେରାଇ ଆଣିବା ପାଇଁ ନୂଆଦିଲ୍ଲୀ ପକ୍ଷରୁ ମସ୍କୋ ଉପରେ କ୍ରମାଗତ ଚାପ ସୃଷ୍ଟି କରାଯାଉଛି । ବୈଦେଶିକ ମନ୍ତ୍ରଣାଳୟର ପ୍ରବକ୍ତା ରଣଧୀର ଜୈସୱାଲ ଏକ ନିୟମିତ ଗଣମାଧ୍ୟମ ସମ୍ମିଳନୀରେ ଜଣାଇଛନ୍ତି ଯେ, ସରକାରଙ୍କ କୂଟନୈତିକ ପ୍ରଚେଷ୍ଟା ବଳରେ ଏପର୍ଯ୍ୟନ୍ତ ୧୩୯ ଜଣ ଭାରତୀୟ ନାଗରିକଙ୍କୁ ରୁଷ ସେନାରୁ ମୁକ୍ତ କରାଯାଇ ସାରିଛି । ଏହାସହ ଅସାଧୁ ଏଜେଣ୍ଟ କିମ୍ବା ସଂସ୍ଥାଗୁଡ଼ିକ ଦ୍ୱାରା ଦିଆଯାଉଥିବା ବିପଜ୍ଜନକ ବିଦେଶୀ ଚାକିରି ପ୍ରଲୋଭନରୁ ଦୂରେଇ ରହିବାକୁ ସେ ସାଧାରଣ ନାଗରିକଙ୍କୁ ପୁନର୍ବାର ସଚେତନ କରିଛନ୍ତି । ଅଧିକ ପଢ଼ନ୍ତୁ:ପ୍ରତିବାଦ ଭୟରେ ଟିସ୍ର ସମାବର୍ତ୍ତନ ଉତ୍ସବ ସ୍ଥଗିତ ଅନ୍ୟପକ୍ଷରେ, ଟ୍ରାଭେଲ୍ ଏଜେଣ୍ଟଙ୍କ ଦ୍ୱାରା ପ୍ରତାରିତ ହୋଇ ରୁଷ ସେନାରେ ଯୋଗଦେଇ ମୃତ୍ୟୁବରଣ କରିଥିବା, ନିଖୋଜ ଥିବା କିମ୍ବା ଆହତ ହୋଇଥିବା ଭାରତୀୟଙ୍କ ପରିବାରବର୍ଗଙ୍କ ସହ ସମନ୍ୱୟ ରକ୍ଷା କରିବା ପାଇଁ ବୈଦେଶିକ ମନ୍ତ୍ରଣାଳୟରେ ଜଣେ ନୋଡାଲ ଅଧିକାରୀ ନିଯୁକ୍ତ କରିବାକୁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ପ୍ରଧାନ ବିଚାରପତି ସୂର୍ଯ୍ୟକାନ୍ତ, ବିଚାରପତି ଜୟମାଲ୍ୟ ବାଗଚୀ ଏବଂ ବିଚାରପତି ଭି. ମୋହନାଙ୍କୁ ନେଇ ଗଠିତ ଖଣ୍ଡପୀଠ ମୃତଦେହ ଫେରାଇ ଆଣିବା, କ୍ଷତିପୂରଣ ପ୍ରଦାନ ଏବଂ ପ୍ରଭାବିତ ପରିବାର ପାଇଁ ଏକ ସମନ୍ୱିତ ବ୍ୟବସ୍ଥା ଦାବି କରି ଦାଖଲ ହୋଇଥିବା ଆବେଦନର ଶୁଣାଣି କରି ଏହି ନିର୍ଦ୍ଦେଶ ଦେଇଛନ୍ତି । ଉଲ୍ଲେଖଯୋଗ୍ୟ ଯେ, ୟୁକ୍ରେନ୍ ଯୁଦ୍ଧଫ୍ରଣ୍ଟରେ ରୁଷ ସେନା ପକ୍ଷରୁ ଲଢ଼ୁଥିବା ବେଳେ ଏପର୍ଯ୍ୟନ୍ତ ୩୦ରୁ ଉର୍ଦ୍ଧ୍ୱ ଭାରତୀୟ ନାଗରିକଙ୍କ ମୃତ୍ୟୁ ଘଟିସାରିଛି ।
କନକ ବ୍ୟୁରୋ: ରୁଷ ସେନାରେ ଏବେ ବି ପ୍ରାୟ ୨୪ ଜଣ ଭାରତୀୟ ନାଗରିକ କାର୍ଯ୍ୟରତ ଅଛନ୍ତି ଏବଂ ସେମାନଙ୍କୁ ଶୀଘ୍ର ମୁକ୍ତ କରିବା ପାଇଁ କ୍ରମାଗତ ଉଦ୍ୟମ ଜାରି ରହିଛି ବୋଲି ଭାରତ ସରକାର ଶୁକ୍ରବାର ଦିନ ସୂଚନା ଦେଇଛନ୍ତି । ରୁଷ ସୈନ୍ୟବାହିନୀରେ ରୋଷେୟା ଓ ସହାୟକ ଭାବେ କାର୍ଯ୍ୟ କରୁଥିବା ସମସ୍ତ ଭାରତୀୟଙ୍କୁ ସୁରକ୍ଷିତ ଭାବେ ଫେରାଇ ଆଣିବା ପାଇଁ ନୂଆଦିଲ୍ଲୀ ପକ୍ଷରୁ ମସ୍କୋ ଉପରେ କ୍ରମାଗତ ଚାପ ସୃଷ୍ଟି କରାଯାଉଛି । ବୈଦେଶିକ ମନ୍ତ୍ରଣାଳୟର ପ୍ରବକ୍ତା ରଣଧୀର ଜୈସୱାଲ ଏକ ନିୟମିତ ଗଣମାଧ୍ୟମ ସମ୍ମିଳନୀରେ ଜଣାଇଛନ୍ତି ଯେ, ସରକାରଙ୍କ କୂଟନୈତିକ ପ୍ରଚେଷ୍ଟା ବଳରେ ଏପର୍ଯ୍ୟନ୍ତ ୧୩୯ ଜଣ ଭାରତୀୟ ନାଗରିକଙ୍କୁ ରୁଷ ସେନାରୁ ମୁକ୍ତ କରାଯାଇ ସାରିଛି । ଏହାସହ ଅସାଧୁ ଏଜେଣ୍ଟ କିମ୍ବା ସଂସ୍ଥାଗୁଡ଼ିକ ଦ୍ୱାରା ଦିଆଯାଉଥିବା ବିପଜ୍ଜନକ ବିଦେଶୀ ଚାକିରି ପ୍ରଲୋଭନରୁ ଦୂରେଇ ରହିବାକୁ ସେ ସାଧାରଣ ନାଗରିକଙ୍କୁ ପୁନର୍ବାର ସଚେତନ କରିଛନ୍ତି ।
ଅଧିକ ପଢ଼ନ୍ତୁ:ପ୍ରତିବାଦ ଭୟରେ ଟିସ୍ର ସମାବର୍ତ୍ତନ ଉତ୍ସବ ସ୍ଥଗିତ
ଅନ୍ୟପକ୍ଷରେ, ଟ୍ରାଭେଲ୍ ଏଜେଣ୍ଟଙ୍କ ଦ୍ୱାରା ପ୍ରତାରିତ ହୋଇ ରୁଷ ସେନାରେ ଯୋଗଦେଇ ମୃତ୍ୟୁବରଣ କରିଥିବା, ନିଖୋଜ ଥିବା କିମ୍ବା ଆହତ ହୋଇଥିବା ଭାରତୀୟଙ୍କ ପରିବାରବର୍ଗଙ୍କ ସହ ସମନ୍ୱୟ ରକ୍ଷା କରିବା ପାଇଁ ବୈଦେଶିକ ମନ୍ତ୍ରଣାଳୟରେ ଜଣେ ନୋଡାଲ ଅଧିକାରୀ ନିଯୁକ୍ତ କରିବାକୁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ପ୍ରଧାନ ବିଚାରପତି ସୂର୍ଯ୍ୟକାନ୍ତ, ବିଚାରପତି ଜୟମାଲ୍ୟ ବାଗଚୀ ଏବଂ ବିଚାରପତି ଭି. ମୋହନାଙ୍କୁ ନେଇ ଗଠିତ ଖଣ୍ଡପୀଠ ମୃତଦେହ ଫେରାଇ ଆଣିବା, କ୍ଷତିପୂରଣ ପ୍ରଦାନ ଏବଂ ପ୍ରଭାବିତ ପରିବାର ପାଇଁ ଏକ ସମନ୍ୱିତ ବ୍ୟବସ୍ଥା ଦାବି କରି ଦାଖଲ ହୋଇଥିବା ଆବେଦନର ଶୁଣାଣି କରି ଏହି ନିର୍ଦ୍ଦେଶ ଦେଇଛନ୍ତି । ଉଲ୍ଲେଖଯୋଗ୍ୟ ଯେ, ୟୁକ୍ରେନ୍ ଯୁଦ୍ଧଫ୍ରଣ୍ଟରେ ରୁଷ ସେନା ପକ୍ଷରୁ ଲଢ଼ୁଥିବା ବେଳେ ଏପର୍ଯ୍ୟନ୍ତ ୩୦ରୁ ଉର୍ଦ୍ଧ୍ୱ ଭାରତୀୟ ନାଗରିକଙ୍କ ମୃତ୍ୟୁ ଘଟିସାରିଛି ।
What's Your Reaction?
